-------------------------------------------------------------------
http://video.google.com/videoplay?docid=2221984832027966161
BBC "Extreme Pilgrim" 節目一名英國牧師 (vicar) 去少林學修禪練少林武學, 佢興沖沖上到去少林三皇寨, 點知個少林主持只係叫佢 "修禪", 做運動, 佢做得兩做就頂唔住, 後來發火走去問個僧人 "Why Zen is so difficult to comprehend?" 於是少林僧人同佢講, 必須從心出發去溶入大自然, 係先做, 從實踐中領悟.
睇完這個節目真係無限感概. 記得當初和志健兄去學太極, 師傅只係叫我地 "企 (站樁) ", 每堂企半個鐘, 目的係 "放鬆". 我當時不明, 輾轉過左幾年, 終於有一天企到明白了, 不再累了, 隨即明白... 原來放鬆先係企既最省力, 血氣運行最好, 最有效率, 企得最長久既辦法!!! 代如果這樣, 舉一反三, 放鬆即係企, 坐, 行, 走, 動作的最有效率方法!! 即是太極奧妙在乎鬆!! 即刻好後悔點解當初唔好好的企, 如果唔係身體健康可以進步得更快!
西方方法是有大量 Documentation 和規律去跟, 可以辯證. 但中國學術, 儒釋道和易學等等, 都必須通過實踐去領悟, 而不是單靠睇書, 沒有 step by step 規律, 沒有辯證, 因為每人的領悟和理解都不同. 一百個人去睇易經, 可以得出一百個理解. 難怪中國學術雖然難學, 但學懂後每一科學問可以相通而相互關連.
沒有留言:
發佈留言